• The Isaander

หน่าย - สุน - ทอน - ผู้



พรุ่งนี้ 26 มิถุนายน วันสุนทรภู่ The Isaander เลยชวน เมฆ' ครึ่งฟ้า ยุวกวีดาวรุ่ง จากร้อยเอ็ด มาสะท้อนความรู้สึกรู้สา ต่อเหตุบ้านการเมืองที่วันหนึ่งเขาพบเห็นนักกลอนอาวุโสเที่ยวมะงุมมะงาหราในสภาแห่งนั้น


____________


ใหญ่ขึ้นอยากเป็นหยังอีหล่า ?

"อยากเป็นสุนท๊อนผู้ค่า คู๊สอน"

หนูซิเป็นก่าวี ซิแต่งกอน

คนเขาสิออนซอนอยู่บ่ล่ะนาง


เบิ่งหน้าแม่หน้าพ่อกะพอส่ำนี้

ปริญญาตรอก ญาตรี บ่มีจักอย่าง

ฮู้จักเฮ็ดแต่ใส่เบ็ด ยามดาง

"ถ่ามีทาง หนูเป็นกวีซิมีเงิน"


สิมีเงินจั่งได้เดิ้น เป็นกวี

คนมีเงิน--เศรษฐีพุ่นเขาเอิ้น

"คูบอกว่า ถ่าเป็นกวีสิเจริญ

เบิ่งแต่เพิ่นสุนท๊อนตอนอยู่วัง"


...ถึงหน้าวังดังหนึ่งดางจะขาด

คิดถึงสาดกก สาดปอ หนอความหลัง

โอ้ น้ำซีโมโหหรือโกธัง

ก่อนถึงวังครั้งใด๋ยังได้ปลา..


จบปอตรีแล้วติอีหล่า "จ้าพ่อ"

ยังอยากเป็นสุนทรผู้อยู่บ๊อลูกจ๋า

"บ่อยากเป็นแล้วหล่ะ" .. มาซางวา ?

"หนูเปิด ยามประชุมสภาฯ เห็นแต่กวี"


จังซั่นตั้วสิเจริญมีเงินหลาย

สุนทรเพิ่นกะเงินหลายบ่แม่นตี้

"โอ้ยหนูเรียนวรรณกรรมสามสี่ปี

หน่ายสุนทอนแล้วมัก อัศนี พลจันท์"


เพิ่นจั่งเป็นกวีเป็นศรีอีสาน

บ่แม่นกวีวาดวิมานสำราญสวรรค์

เขียนคนยาก คนทุกข์ ถ้วนทุกวัน

คนที่ถูกเขากีดกัน คนชั้นเฮา


...สองมือเฮามีแฮง

เสียงเฮาแย้งมีคนยิน

สงสารอีศานสิ้น

อย่าซุด,สู้ด้วยสองแขน!

พายุยิ่งพัดอื้อ

ราวป่าหรือราบทั้งแดน

อีศานนับแสนแสน

สิจะพ่ายผู้ใดหนอ? ..


*เมฆ' ครึ่งฟ้า เป็นนามปากกาของ ดานุชัช บุญอรัญ นักศึกษาคณะมนุษยศาสตร์และสังคมศาสตร์ เอกภาษาไทย มหาวิทยาลัยราชภัฏมหาสารคาม


ปี 2561 บทกวีอคน-ผ่านประเทศในความหมาย-ไร้อนาคต ทำให้เขาคว้ารางวัลชนะเลิศบทกวีประชาชน FreeWriteAward3 ในงาน 42 ปี 6 ตุลา 2519 มาแล้ว


#สุนทรภู่ #เมฆครึ่งฟ้า #theisaander #FreeWriteAward3

#หน่ายสุนทอนผู้ #แม่น้ำชี #นายผี #อัศนีพลจันท์ #อ่านนายผี #สว #สอพลอ #กวีแห่งรัตนโกสินทร์ #ดานุชัชบุญอรัญ #ข่อยเป็นคนร้อยเอ็ด #บ้านเดียวกัน #กับคนแต่งม้าก้านกล้วย #ศิลปินแห่งชาติ

0 views

© 2023 by Glorify. Proudly created with Wix.com